حكايات الجندي مدني "3"

بيرجع مدني لبيته بعد ما عرف معاد دخوله للجهادية دخل البيت ولاقي ابوه مستني في وشة واول ما دخل جري عليه ابوه وكان علي وش مدني إبتسامة عريضة جري مدني علي ابوه وابوه برضه جري ناحيته عشان ياخدوا في حضنه

أبا أبا باركلي يأبا

مبروك يامدني يابني طمني حصل

حصل يأبا

الحمد لله الحمد لله ياما أنت كريم يارب وان شاء الله هتسلم نفسك ع الجبهة إمتي  

بعد أسبوع إن شاء الله يأبا

وعرفت يابني هتدخل إن شاء الله سلاح ايه

سلاح اسمه خدمات يابويا

اكيد خدمات ع الجبهة هو ده نفس السلاح اللي كان عمك مبروك بيخدم فيه ايام الحرب كان هو اللي بينقل التعيين للعساكر علي الجبهة

يعني هتطلع ع الجبهة وابقي زي عمي مبروك يأبا والبلد تحكي وتتحاكي بسيرته في الجهادية زي ما كانو بيحكوا عن عمي مبروك

إن شاء الله يامدني ياولدي

بس إني في حاجة لاحظتها كيده يابا الحاج وانا هناك في الكشف

ايه يامدني ياولدي خير ان شاء الله

لاحظت شباب كتير فرحان لما عرف انه مش داخل الجهادية

اعوذ بالله ليه كيده ياولدي

مهو ده اللي محيرني يابا لا وكمان الأنكي من كيده اني لقيت دكتور دكتوووور يابا والله بيبارك لولا اسمه صابر عشان طلع من الجهادية عشان نظره ضعيف تخيل يابا

لا حول ولا قوة الا بالله

تفتكر ليه العيال ديه فرحانة كيده يابا

والله يامدني يابني ربنا أعلم بظروف خلقه

علي رأيك يابا

بيلاحظ أبو مدني علامات الحزن علي إبنه" مدني " وبيسأله

مالك يامدني يابني شايفيك مش مبسوط

بالعكس يأبا ومين يطول شرف الجهادية بس

بس ايه يامدني يابني مالك

اصلك هتتوحشني اوي يابا انت وامي واخواتي واهل البلد

وانت كمان يابني هتتوحشني بس مش هو ده اللي مضايقيك مالك يامدني يابني

يعني يابا الارض وشقاها

مالها الارض

مين يابا هيرعي معاك الارض والزرعة بتاعتنا اللي عايشين عليها انت وامي واخواتي الصغيرين

ولا تشغل بالك يامدني يابني ابوك لسة شباب ياولا

ربنا يديك طول العمر يابا بس برضه انت كبرت علي شغل الارض وتعبها

ولا يكون في بالك ياولدي واحنا في ديك الساعة لما تدخل الجهادية وتبقي بطل تخدم بلدك وتشرفني وترفع راسي في البلد طيب تصدق بإيه يامدني ياولدي

لا إله الا الله يأبا

انا عندي ولا اكل ولا اشرب قدام اني اشوف رافع راسي في الجهادية

ان شاء الله يابا

عايزيك يابني تلتزم بتعليمات القادة بتوعك وتنفذها في الحال من غير ما تسالهم سؤال

أكيد يأبا بس انت ادعيلي وخلي بالك من اخواتي وامي بعد إذنك يابا هوصل مشوار كده لاول الزراعية وراجع علي طول

رايح فين يامدني يابني

مفيش يابا مشوار كيديه وراجع

ماشي ياخويا يابتاع الزراعية روح بس حاسب وانت ماشي ع الزراعية ياولا ههه

حاضر يابا متسكفنيش ب"ج"قي

بيمشي "مدني " في الغيط ويبرح عشان يقابل "بهانة" اللي هتيجوزها بس اول ما يطمن علي وضعه في الجهادية

ازيك يابت يابهانة باركيلي يابت

مبروك يا"مدني " خلاص

ايوا يابت خلاص هبقي جندي في الجهادية وهمشي في الكفر رافع راسي كده وانا لابس الكاكي وتب"ج"قي مفتخرة بيا كيده يابيه 

ان شاء الله يامدني

مالك يابيه وشيك مصفر ليه كده

مفيش يا"مدني "

مت"ج"قولي يابيه مت"ج"قلي"ج"قنيش عليكي يابيه 

يعني انت مش عارف يامدني زعلانة عشان هتبعد عنا ومش هنشوفك غير كل فين وفين

انت هبلة يابيه ده اني رايح الجهادية يعني تكوني طايرة من الفرحة كيده عشاني

مني فرحانة وطايرة من الفرح يامدني بس انت عارف هتتوحشني ياشيخ

وانتي كمان يابيه هتتوحشييني

يلا ب"ج"قي لازم اسيبيك دلوقتي عشان الح"ج"ق اسلم علي اهل البلد وا"ج"قعد معاهم حبتين عشان اليومين الي جايين مش هكون فاضي هلم المحصول مع ابويا "ج"قبل  ما اطلع ع الجبهة ..

في أمان الله يا"مدني"

مع السلامة يابت

حكايات الجندي مدني "2"

بيدخل مدني وكل الشباب للقاعة اللي العسكري قالوهم عليها طبعا طول ما مدني ماشي جواه المركز بيشوف لوح مكتوب عليها شعارات وكلمات حماسية وده الشئ اللي بيزود الحماسة جواه بيدخل مدني جواه قاعة كبيرة كراسيها مصفوفة ازرق واصفر واخضر بيجي عسكري وبينده

كله انتباااااااه ومسمعش صوت حد عشان الكلام اللي هقوله مش هكرره

بيلاقي شاب باصص ناحتيه

انت ياحبيبي بص قدامك يارجالة الكلام بيتسمع ما بيشتفش يعني مش لازم تبص عليا وانا بتكلم عشان تسمعني وتفهم كلامي مفهوم يارجالة , انت يابني بقولك بص قدامك ما تبصش ناحيني انت غبي يابني انت بصوا يارجالة العليا وركزوا في كلامي

مواليد من شهر 1 لشهر 3 يقعدوا علي الكراسي الصفرا , مواليد 4 و 5 و6 يقعدوا علي الكراسي الخضرا ومن غير ما اسمع همسة

شاب من مواليد شهر 6 ملقاش مكان ليه في الكراسي المخصصة انه يقعد فيها وغلطت وقعد علي كرسي ازروق وفجاة العسكري شافو

العسكري: أنت ما بتفهمش انا مش قلت كله علي الكراسي الصفرا والخضرا

الشاب : اها يافندم بس الكراسي اتملت وقلت اقعد علي كرسي ازرق

العسكري: هو بمزاجك التزم بالتعليمات

يافندم مهو الكرسي فاضي

العسكري انا شايف انه فاضي وعارف بس دي تعليمات ولازم تتنفذ ياجدعان كل اللي ملحقكش الكرسي يفضل واقف لحد مايجي دوره

بتمر ساعتين والشباب اللي واقف واقف لحد ما كرسي يفضي وبيبدا الشباب يدخله عشان الكشف الطبي والفحوصات

العسكري : نسمع الكلام عشان هقوله مرة واحدة اول صف هيقوم يدخل هناك يستلم سلة والعسكري هناك هستلمك ويقولك التعليمات بالنسبة للناس اللي هنا هيقوموا صف صف ومش عايز اسمع صوت ولا همس اثناء الحركة مفهوم

مفهموم ... مسمعتش رد يعني

مفهووووووووووم

 بيرد الشباب في نفس واحد : مفهووووووووووم يافندم

اول صف تاني صف تالت صف قوم اقف ثابت في مكانك , فيه صووووووت ليه مش عايز اسمع همس قلت عشان ما نزهقش الناس خلي يومكوا يعدي علي خير اسمع اول تلات صفوف هتدخل هناك وهتقف عند باب الاوضة اللي هناك دي وتنفذ التعليمات الي هتتقالك هناك

بييدا الشباب في الحركة جواه الصفوف وبيحس العسكري ان الصف بدا يتمايل وهنا يستشاط غضبا

انت ياحمار منك له اللي ماشي بيتمايل زي البت الحلوة اللي ماشية ع الكورنيش استرجل منك ليه وادخل جواه الصف والا والله هتقعد هنا لحد اخر اليوم

بيدخل الشباب عند الاوضة اللي العسكري قالوهم عليها بيلاقول عسكري واقف جواه الاوضة واول ما الشباب بيدخلوا في منهم اللي اتجرا ودخل خطوة جواه الاوضة

العسكري: اررررجع كله يرجع علي اول بلاطة وتقف منك ليه واللي هيعدي البلاطة من غير ما انا اقوله يرجع لاخر الصف من نفسه ولو مارجعش هطلعه يقف في الشمس ساعتين عشان يتعلم الادب والنظام كله يسمع الكلام خلي اليوم يعدي علي خير من غير مشاكل منك ليه فاهمين ....فاهمين ... فاااااااااااااااااااهمين

فاهمين يافندم

اسمع هتروح اخر الاوضة تستلم سلة من هناك تقلع هدومك وانت واقف مكانك وحاجتك تحطها في السلة وتمسك السلة في ايديك انا بقولها ومش هقولها تاني حاجتك  انت اللي مسئول عنها لو حاجة ضاعت انت اللي مسئول عنها احنا مش مسئولين

بيدخل الشباب جوه الاوضة وكله يبيدا يستلم سلة خاصة بيه وبيقلعوه هدومهم وكله بيقف بملابسه الداخلية وبيجي العسكري

في صوت ليه منك ليه كله ثابت ويسمع هتدخل علي العيادة بنفس الترتيب بنفس ترتيب الرقم المسلسل بتاعك اللي في الورقة اللي معاك وبقولها اهو محدش يخالف النظام كله يدخل بترتيبه في الورق

بيدخل الشباب بنفس ترتيب بيقابلهم دكتور لابس بدلة كاكي فوقها بلطو ابيض ماشاءالله شبه الملايكة

كله يدخل علي الكشوفات وار بعض وبنفس الترتيب كشف عيون عظام بطنة بعدين الكشف العام وفي الكشف العام اي حد عنده اي مشكلة يقول عليها ابدا اتحرك علي اول كشف

بينهي الشباب الكشوفات وبيدخل بعدهم الصف اللي فيه " مدني " وبيكون الشباب في الصف اللي قبله بدا ناس منهم يعرفوا انهم ممكن يخرجوا من الجيش بسبب الاعفاء الطبي وبيدا الشباب يتكلموا مع بعض وبيسمع " مدني " كلامهم

مبروك ياكبير "

الله يبارك فيك يامعلم

انت اخدت البطاقة الخضرا وكتبلك عليها بالقلم الاحمر

اها طبعا وانت

انا دخلت كشفت والدكتور قالي استني عشان ليك كشف تاني

مدني بيسمع الكلام ده وبيدخل معاهم في الموضوع

مبروك ياجندي ياخويا

الله يبارك فيك يامعلم 

وانت دخلت سلاح ايه بج(ق)ا

سلاح ايه ياعم فال الله ولا فالك انا طلعت اعفاء طبي ان شاء الله

يعني طلعت خلاص من الد(ج)يش وفرحان ج(ق)وي كيديه ياخي ده انت المفروض تعمل عزاء ليك وتجيب معددة تعدد فيه

لا بقي ان شاء الله ياعم المجاهد

ديه الد(ج)يش كل البلد حيدانا تتمني ت(ق)جضي فيه ولا حتي ساعة دي شرف يابني لايقدر بمال

طيب ياحبيبي ربنا يوعدك يارب وتدخل تقضي فيها عمرك كله

وهو انا اطول مهي دي المشكلة انه يج(ق)ولك بس اقصي مدة 3 سنين عشان كيده اني بفكر اطوع بس لزمن لما يعدي علي 6 شهور لاول في الخدمة

طيب يادفعة ربنا ينوي لك اللي بالك وتخش عشرين سنة مش 3 سنين بس

اجري اجري كيديه ده انت ولا فاهم حاجة ياولا دي الجهادية دي شرف فوج(ق) الرووس

العسكري بيسمع الهمس في الطوابير وبيدخل كالعادة يزعق

ساااااامع صوت ليه شكلكوا كده  مش ناويين تعدوا يومكوا علي خير انتباه منك ليه وامنع الصوت مش عايز اسمع همس كله انتبااااااااه

بعد ما دخل " مدني " علشان يعمل فحوصاته وبعد ما أتاكد انه سليم ومرهل انه يدخل الجيش او زي مابيسميها " الد(ج)هادية سمع صوت الدكتور بيقول لواحد من الشباب اللي بيشكفوا سمعو بيقولوا

"مبروك ياصابر أنت طلعت من الجيش "

الصدمة كانت كبيرة علي " مدني " وهنا بدا يساءل نفسه هو ايه اللي حصل يخلي الشباب يفرح انه مش هيدخل " الجهادية " وايه اللي يخلي دكتور كبير زي ده يبارك للشاب صابر انه مش هيدخل الجيش وبدأ يساءل نفسه هو ايه اللي حصل وفجأة سمع " مدني " صوت عسكري

كله انتبااااااااااااااااااااااااه اسمع منك ليه هتخرج من الباب اللي قدامك ده يمين في شمال في يمين اول بوابة وتيجي يوم السبت اللي جاي تسلم نفسم " أهلا بيكم في القوات المسلحة "

عيادة المواطن ....

يقف الركاب الضخم أمام عمارة رقم 17 بحي جاردن سيتي ينزل الحراس  من سيارة ماركة جيب شيروكي سوداء  اللون  ثم يقوموا بتأمين مداخل العمارة ومخارجها ينزل منها رجل يرتدي بدلة عسكرية طويل القامة يظهر عليه نوعا من إنحناء الظهر  الذي يحاول أن يخفيها فيما ورا سترته العسكرية ونظاراته السوداء ,يتسائل عن الأسانسير الموجود بالعمارة فيعلم أنه معطل فيبدأ في الصراخ في وجه كل من معه من مساعديه إلي حراسه ثم يقرر أن يصعد للطابق الثالث حيث ضالته " عيادة الدكتور ....."

بمجرد دخوله للمكان يجد العيادة خالية فيعلم أن الحراس قاموا بإخلاء المكان قبل حضوره فهو رجلا ذو هيبة عسكرية لا يسمح له منصبه الرفيع التواجد في الأماكن العامة , يخرج الطبيب مسرعا كي يرحب به ثم يأمر مشرفة العيادة الأتسمح لأخد بالدخول ثم يطلب منها إحضار كوبيين من الليمون ثم يدخلا إلي  الغرفة المخصصة للكشف يبدأ الرجل ذي القامة الطويلة في التمدد علي الأريكة السوداء ثم يبدأ الدكتور في سؤاله عن شكواه ,فيسرد الرجل ما يعانيه

دائما ما أحلم بأن مجموعة من البشر ينهالون علي رميا بالرصاص وكأنهم ينتقمون مني

هلي يتكرر الأمر كثيرا

تقريبا بحدث هذا الأمر بشكل يومي  
 

متي بدأ هذا الأمر في الحدوث

منذ حوالي عام أو أقل

هل أقدمت علي قتل أحدا

لا, بل هم يدعون ذلك وأنا إن كنت قد أقدمت علي فعل هذا فمصلحة الوطن وإنتمائي العسكري يفرض علي ذلك

ما الذي يفرضه عليك واقعك العسكري سيدي كما ذكرت

يفرض علي وضعي الحفاظ علي أرض هذا البلد الذي حاربت من أجله قرابة الأربعون عاما ,يفرض علي أن أحفظ مصالح هذا الوطن

مصالح الوطن أم مصالحك الخاصة سيادة الجنرال

يبدو الأرتياب علي الجنرال بمجرد ذكر جملة الطبيب

ماذا تقصد بمصالحي الخاصة

أقصد سيدي المصالح والمنافع اللإقتصادية والتجارية التي تضع يدك عليها والتي يمكن أن تدفع الغالي والنفيس كي تحافظ عليها وهو ما قد يبدو أمرا مشروعا

وما علاقة ذلك بالأمر الذي جئت من أجله فأنا لدي متاعب نفسية جئتك كي أستشيرك وتدلني ماذا أفعل

الأمران مرتبطان إلي حد ما سيدي فمحاولتك للحفاظ علي مصالحك قد دفعتك لفعل قد يبدوا إجراميا في نظر البعض لكنه يدخل في عداد الأمور المألوفة بالنسبة لك وهو ما أدي لوصولك للحالة التي أنت عليها الأن

كيف تقول ذلك وأنا من قمت بحماية شعب بأكمله من الفناء

كيف حدث ذلك سيدي الجنرال

لقد رفض أوامر بإطلاق النيران

لكنك سيدي الجنرال أنكرت ذلك من قبل ,إذن فمن ماذا حميت شعبا كما تدعي وأي نيران التي رفضت أن تطلقها وهي حسبما قلت لم تكن موجودة من الأساس سيدي الجنرال دعني أذكر لك ما فكرت فيه وكيف تعاملت مع الأمر

لقد قمت بتحقيق ما كنت تتمني فعله وهوالقضاء علي حلم ديكتاتور في البقاء الأبدي وكنت دائما تفكر في مستقبل مصالحك وكيفية حمايتها لكنك حتي هذا الأمر لم تحرك ساكنا من أجله وإنتظرت هبة الشعب التي جاءت إليك دونما جهد أو سعي حقيقي منك , لم تسعي يوما للقضاء علي ديكتاتور لكنك كنت جزء من ديكتاتوريته وحينما هب الشعب لنجدة نفسه ومستقبله من براثن تلك الديكتاتورية قمت بإستغلال الوضع لصالحك وحينما أدركت بأن الوضع قد قارب من المساس من مصالحك قمت بالذود عنها بكل ما تملك من أساليب

أساليب ماذا تقصد

أنت تعني سيدي الجنرال ماذا أقصد جيدا في البداية رحب بك الجميع وأستنجدوه بك لكن أستطعت إيهام الجميع بإنك المخلص والقائد ثم بدأت في التمسك بسلطتك قمت بتدوير الإلة الإعلامية في تثبيت صورة ذهنية مزيفة لكل من يقف ضد مصالحك أو قل كل من يحاول أن يعمل علي تحقيق مصلحة وطن و,قمت بتدوير الألة القمعية في ثوب جديد قمت بمحاولة إستئصال لمن هبوا لنجدة أنفسهم ونجدتك معهم

إنهم لا يعلمون مصلحة الوطن جيدا كما أعلمها بل ولا يفهمون مجريات الأمور وأغلب من في الشعب يؤيدني فيما أفعل

بل قل الأغلبية التي قمت بإزهاق وعيها ومعرفتها ولعبت علي أوتار الفقر والجهل والإستقرار وهي ما تعلم جيدا إنها بالنسبة لك الأوراق الرابحة في اللعبة , أحسست الشعب بالإختلاف بين الفئات المثقفة فيه وقمت بتغذية هذا الشعور ووطدت الإنقسام حتي تتوه العامة في أمور طفيلية لا طائل منها علي أمل أن يستنجدوا بحكمك لمدة عام أو أكثر وهو ما خططت له منذ اليوم الأول

لكني قمت بذلك حماية للوطن من مجموعة من الخونة والمأجورين

الخونة والمأجورين ,هذه هي الكلمات الموجودة في كافة قواميس الديكتاتورية من أجل الحفاظ علي مصالحهم

لا تقل مصالحهم بل هي مصالح الوطن

بل هي مصالحك سيدي الجنرال أنت وجنرالتك وضباطك ولؤاءتك وعمدائك

مصالحي ماذا تقصد , فمصالحنا هي ذاتها مصالح الوطن وبالتالي يجب أن ندفع الغالي والنفيث في سبيلها

لم نختلف سيدي الجنرال لكن حينما تخطت مصالح سيادتك مصالح الوطن غلبت مصالحك عن مصالح الوطن

ماذا تقصد

سيدي الجنرال انت مريض بمرض "الإغتراب الوجودي" وهو حب السلطة والتملك وبالتالي قد تفعل أي شي في سبيل الحفاظ علي سلطته ونفوذه وكذلك حفاظك علي مصالحك

مصالحي مصالحي ..كررتها كثيرا ولم أستوعبها فماذا تعني بها

تخيل معي سيدي الجنرال "رجل في قرية هو الحاكم بأمره فيها يمتلك أكثر من 40%من القرية ولا يسأله أحدا عما يفعل بهذه المساحة من القرية فهي مرتع له ولمن يواليه يتاجر فيها ويتربح منها هو ورجاله بدافع أنهم يدافعون عن القرية ,وحينما أراد شعب القرية ان تخضع كل موارد القرية للرقابة لمنع السرقات , أعترض هذا الرجل بحاميته وبسبب ذلك حاولوا أن يسطيروا هم علي القرية فإشاعو أن هناك خطر قادم وأن القرية قد تغرق في اليم ما بين ليلة وضحاها كما أشاعوا أن الجوع سيأتي مع الأيام كي يهلك الحرث والنسل وعندما فشلت الخطة لجأ إلي أخري فقام بالقتل والحبس والتنكيل لأهالي تلك القرية بالمصادفة هذا الرجل يحكي أنه أصيب بنفس المرض الذي أصيبت به

وما الحل

للأسف لقد فات الأوان سيدي الجنرال فأنت لم تتعلم من التجربة السابقة للقتل والتي أنتهت خلف القضبان ...

الست مدنية وولاد الحاج عسكر

أهلا بيكم مستميعينا مستمعي راديو ( طز ) وحلقة جديدة من برنامجكم ( لسانك حصانك ) وبعد غياب طويل علي جمهورنا الحبيب رجعنالكم بحكاية غريبة شوية حكايتنا النهاردة عن ( الست مدنية والحاج عسكر ) خلينا نشوف ايه الحكاية بعد الفاصل اللي هو اصلا مش موجود . بس أهي كلمة بيقولها وخلاص المهم يلا بينا نسمع الحكاية , بدل الهزي اللي ملوش لازمة ولا بيودي ولا بيجيب

.. 

الست مدنية بنت الست محروسة فضل ولاد الحاج عسكر متجوزينها يموت واحد من ولاد الحاج عسكر يجي واحد تاني من عيال الحاج عسكر ويتجوزها , المهم بعد سنين كتير مرت , قام ولاد الست محروسة عشان اتخنقوا من جوز امهم وولاد الحاج عسكر وبعد انتفاضتهم علي جوز امهم قدره فعلا انهم يطلقوا امهم محروسة ولاول مرة في تاريخها بتحاول محروسة انها تعيش عيشة نضيفة بعد ولاد الحاج عسكر ما تناوبوا علي اغتصابها ونهبها

. 

قوم ايه بقي بعد مابيسبها اخر ولاد الحاج عسكر ( الله أعلم هيكون أخرهم ولا ايه ) المهم بعد ماسبها قال ايه , قالنا انه هيبسبها لاخواته من ولاد الحاج عسكر ويفضلوا قاعدين معاها لحد ما تخلف الست محروسة اول مولودة ليها وهي البت مدنية , الكل مستني البت مدنية وطبعا منهم ولاد الحاج عسكر الي قالنا انه هيبسبها تعيش في بيت اهل امها محروسة زي ماهي اختارت وفضلت سنين كتير تقف في الشارع زي المجنونة تقول نفسي اخلف بت اسمها مدنية , لكن فجأة وعلي غير المتوقع يطلع علينا ولاد الحاج عسكر ويقولولنا قال ايه احنا هنفضل قاعدين مع مدنية لحد ما تكبر وتتعلم المشي والكلام ( هما قصدهم يعني انهم هيفضلوا قاعدين معاها لحد ما تموت ) قال ايه علشان يحموها من اي حد يحاول يقربلها معتبرينها اختهم من ابوهم عسكر الكبير ومن امهم محروسة طيب ده معناه ايه بقي ياخوانا , معناه انهم هيفضلوا قاعدين جنبها كده لحد ما تتولد ان شاء الله ( الله أعلم هتتولد ولا هيتعملها عملية إجهاض بحجة انها ماتت او لو اتولدت هتبقي مشوهة ) طيب وفين ولاد الست محروسة اللي خايفين علي اول اخت ليهم من امهم محروسة هما موجودين بس للأسف ولاد الحاج عسكر قدره يلعبوا اللعبة صح ايه بقي اللعبة دية ؟؟ هقول ياحبيبي ما تستعجلش علي رزقك

.. 

في الاول جم ولاد الحاج عسكر وقاله ايه احنا هنشوف اهل الست محروسة عايزنها تولد ولادة طبيعية ولا قيصرية وبالفعل سألوهم وهنا بقي حصلت المشكلة فيه اللي قال لا لازم تولد ولادة طبيعية زي الحاج سلفي لان الولادة القيصرية حراما حراما حرام وفيه اللي قال لا طبعا ازاي لازم تولد ولادة قيصرية ومنهم ليبرالي أفندي وعلل ده بأن الولادة الطبيعية مش مضمونة وممكن الست محروسة تموت فيها وهي بتولد المهم في الاخر أهلها وافقوه انها تولد طبيعية وده طبعا لانهم عارفين طبيعة اهل الست محروسة وانهم متدينيين شويتين ومنها بدأ الاختلاف وبقي أهل الست محروسة مقسومين بين الحاج سلفي وليبرالي أفندي وده كله طبعا كان بإيعاز من ولاد الحاج عسكر عشان في النهاية يقوله لا انته مش هتقدروا تحافظوا عليها عشان كده هنقعد معاها شوية طيب هيقعدوا معاها ازاي .. أقولك ياحبيبي ما تستعجلش

.. 

قالك ايه احنا نعمل اتفاق كل اهل الست محروسة تلتزم بيه الاتفاق ده بقي عبارة عن ان ولاد الحاج عسكر يكونوا هما اللي مسئولين عن البت مدنية بنت الست محروسة وهما اللي يحافظوا عليها وولاد الحاج سلفي ووالباقي من أهل أم مدنية هما اللي يختارولها تلبس ايه وتصرف ازاي بس لو لبست لبس كده ولا كده هيعترض ولاد الحاج عسكر ويبعدوا الحاج سلفي وأهله لما يلاقوا ان مستقبل البت مدنية في خطر والكلام ده اللي وافق عليه ليبرالي افندي وده طبعا عشان يبقي في حد بيحمي مدنية وهما ميعرفوش انهم كده بيسلموا القط مفتاح االكرار زي ما بنقول عندنا في مصر .طيب هو ولاد الحاج عسكر هيسبوا بنت مرات ابوهم كده ولا ايه اللي هيتم

.. 

الي هيتم زي مابقولك هما هيخلوا الحاج سلفي وعيلته مسئولين عنها ويجيبه واحد من كبار العيلة يختاروا اهل الست محروسة عشان يبقي هو كمان ليه بعض المسئوليات الخاصة بالبت مدنية يعني هو لما تحب مدنية تتجوز ولا حاجة هو اللي يجيب لها عريس حليوة من بلاد برا يعني هيشتغل خطبة يعني وجوده من عدمه مش هتفرق بس هو شكل وخلاص وتبقي الامور كلها في ايد ولاد الحاج عسكر بحجة انهم بيحفظوا علي تربية البت مدنية عشان متبقاش علي حل شعرها , طيب وكبير الحاج عسكر هنعمل في ايه مش هو برضه المفروض اللي يشرف عليه ولاد الشيخ سلفي وباقي عيال الست محروسة

.

مهو الكلام ده يابية بس بشكل مؤقت بس بعد كده ولاد الحاج عسكر هيبقوا هما المسئولين عن نفسهم يعني محدش مسئول عنهم وكمان هيغيروا القانون اللي بيحكم حياتهم بحيث إيه ان كبيرهم يكون منهم وملوش دعوة بقانون البت مدنية  ويفضل حلف ولاد الحاج عسكر كده مع نفسه وملوش دعوة بحد يعني من الاخر كده يعمل عيلة جوة العيلة هتقولي يعني هي تعقل كده ان كبير حلف ولاد الحاج عسكر يقبل علي نفسه واحد من عيال الشيخ سلفي وباقي اهل البت مدنية هو اللي يتحكم فيه ويقولوه روح وتعالي احنا هنهزر , وطبعا لو حصلت مشكلة ولا خناقة من بتاعت ستات البيوت ديه يروح ولاد الحاج عسكر عاملين يبعتوا واد من بتوع اليومين دول يعاكس البت مدنية وهي خارجة من المدرسة ويصورها ويروحوا لاهل امها محروسة ويقولولهم ادي تربيتكم ويمشوا الشيخ سلفي ويحله مجلس العيلة ويجيبوا مجلس عيلة جديدة عشان يضبط البت مدنية وبكده يبقي هو اللي متحكم في حياة البت مدنية والست محروسة واهل الست محروسة

يعني من الاخر كده بص يامعلم اللي هيتم كده  ( حلف ولاد الحاج عسكر هيبقي مستقل محدش يعرف يكلمه , يسيب الامور بتاعت اللبس والاكل والشرب لعيال الشيخ سلفي وباقي اهل البت مدنية لكن الخناقات والذي منه دي بقي مهتمه يعني ايه حد يتعرض لمدنية جواه ولا برا هو اللي يقف له , ويجيبه واحد كده منظر يقولوه انت اللي مسئول عن شكل مدنية قدام الناس يعني لما تيجي تتجوز انت اللي تختار العريس ولما تخلف انت اللي تختار اسم العيال) 

ياتري يامدنية هتسيبي نفسيك لعيال الحاج عسكر ولا هستمعي كلام امك محروسة